Barıtsız mərmi rekord qırdı!

Lent.az-ın “Wired” jurnalına istinadən verdiyi məlumata görə, bu mərminin hazırlanmasında barıt, yaxud başqa bir partlayıcı maddədən istifadə edilmir.
Çəkisi 9 kiloqram olan “Railgun” adlı alüminium mərminin sürəti saatda 9 min 76 kilometrə çatır. Mərminin bu günə qədər görünməmiş bir sürətlə və uzaq məsafəyə atılmasının səbəbi onun atıldığı sistemdə formalaşdırılan elektromaqnit dalğalarının itələyici gücü ilə bağlıdır. Silahın yaradılmasına 2005-ci ildən başlanılıb və bu məqsədlə 211 milyon dollar xərclənib. Mərmi 360 kilometr uzaqlıqda hədəfi məhv etməyə qadirdir. Sınaq uğurla keçib. Yeni nəsil top və mərmiləri yaxın vaxtlarda ABŞ donanmasının arsenalında yer alacaq.

Bu silah tək döyüş gəmisini ehtimal olunan düşmən hücumundan çox uzağa atəş açmaqla qorumur. Həm də gəmi heyətini parlayıcı maddələrlə dolu mərmi və raketlərlə bundan sonra daşıyan və saxlayan zaman ehtiyatlı olmaq məcburiyyətində qoymayacaq. Başqa sözlə, yeni mərmilər gəmi heyəti üçün heç bir təhlükə törətməyəcək.