Yunanıstan torpaqlarını satışa çıxardı! - SİYAHI

Lent.az-ın Afinada işıq üzü görən “Proto Thema” qəzetinə istinadən verdiyi məlumata görə, iki ildir ki, iqtisadi böhranın məngənəsindən çıxa bilməyən Yunanıstan hökuməti sonda bu qərarı vermək məcburiyyətində qalıb.

Satışa çıxarılan adalarla bağlı Türkiyənin etirazı olmaması üçün sərhəddən uzaq bölgələrdəki adalar seçilib. Qəzet Maliyyə Nazirliyi, İnfrastruktur Nazirliyi və Mədəniyyət Nazirliyi tərəfindən beynəlxalq bazarlarda satışa çıxarılacaq adaların siyahısı hazırlanıb. Bu sırada İon dənizindəki Nafsika, Ligia adaları, Ehinades qayalıqları, Mora yarımadası sahillərindəki Ayos Yannis adası, Eğriboz yarımadası ilə Paksos adası yaxınlığındakı bəzi qayalıqlar var.

“Proto Thema” qəzeti yazıb ki, yunan hökuməti bu adaların satışından 300 milyon avro əldə etməyə ümid bəsləyir. Yunan adaların satışını mərkəzi Londonda olan bir vasitəçi şirkət satacaq. Adalara rusların və ərəblərin daha çox maraq göstərəcəyi gözlənilir.

Səhmlərinin hamısı hökumətə aid olan hava limanları özəl sektora satılacaq. Bununla da ərəb ölkələrindən və Rusiyadan gələcək çarter uçuşları ilə turizmin inkişafına nail olunacağı gözlənilir. Satış 2011-ci ildə başlayacaq. İlkin mərhələdə Messinia , Kozani hava limanları, Leros və Skiros adaları ilə digər adalardakı bəzi kiçik hava limanlarının səhmlərinin hamısı, ya da bir hissəsi satışa çıxarılacaq.

“To Bhma” qəzeti isə Yunanıstan ordusunda 25 faiz ixtisar aparılacağını qeyd edib. 1781 tank və 2126 zirehli texnikaya malik yunan ordusu bunların sayını 30 faizdən çox azaldacaq.