“Var mısın, yok musun?”...

Türkiyənin tanınmış jurnalisti Acun Ilıcalının ailəsi dağılır. Lent.az-ın Türkiyənin “Vatan” qəzetinə istinadən verdiyi məlumata görə, jurnalistin 7 illik həyat yoldaşı, iki qızının anası Zeynep Ilıcalı ərinin xəyanəti ilə üzləşdiyini bildirərək boşanma üçün məhkəməyə üz tutub.

O, boşanmadan sonra ərinin 30 milyonluq sərvətinin yarısını tələb edir. “Var mısın, yok musun!”, adlı populyar teleşounun rejissoru və aparıcısı Acun Ilıcalı xanımını universitet tələbəsi olan 20 yaşlı bir qızla aldadıb. Zeynep Ilıcalı yazıb ki, Acun Ilıcalı şöhrəti və sərvəti artması fonunda ailəsinə sevgi və diqqəti azaldıb və son 2 ildə tamamilə ailə həyatından uzaqlaşıb. O isə ərinin başqa birisi ilə eş yaşadığını yalnız az əvvəl öyrənib: “Acun Ilıcalı 2009-cu ilin payızında universitetdə bir qızla tanış olub və onunla yaşamağa başlayıb. O, bu qıza son model bir avtomobil də alıb. Mən uşaqlarımıza görə bu günə qədər ailə həyatımızı davam etdirmişəm. Ancaq Acun Ilıcalı o qız üçün lüks bir villa və qulluqçu tutaraq eşqlə məşğul olmaqdadır. Daha dözə bilmirəm. O, ailəmizi qorumaq üçün heç bir addım atmır və mən də boşanmağa qərar verdim”.