Braziliyada qanlı və amansız savaş

Braziliyanın ikinci böyük şəhəri olan Rio-de-Janeyroda narkotik vasitə qaçaqmalçılarına qarşı savaş açan polis nəzarəti ələ almağa başlayıb. Lent.az-ın “CNN”ə istinadən verdiyi məlumata görə, 6 gündür ki, döyüşlərin getdiyi şəhərdə ölənlərin sayı 50-ə çatıb, 200 nəfər saxlanılıb.

Polis bu gün şəhərin şimalındakı gecəqondulardan ibarət Vila Cruzeiro məhəlləsində nəzarəti tam ələ alıb. Onlarla avtomobil yandırılıb.

Qeyd edək ki, Rio-de-Janeyroda şəhər əhalisinin 1/3-i, yəni 2 milyon insan gecəqondularda yaşayır. Braziliya hökuməti 2014-cü ilə qədər narkomaniyanın çiçəkləndiyi bu gecəqondularda qayda-qanun yaratmağı qarşısına məqsəd qoyub. Hökumət 2014-cü ildə futbol üzrə dünya çempionatı və 2016-cı il Yay Olimpiya Oyunlarına qədər nakomafiyaların hakimiyyətində olan şəhər kənarı məhəllələri təmizləyəcəyinə inanır. Polis əməliyyatlar zamanı zirehli texnikadan da istifadə edir.