İngiltərədə uşaqlara ən çox Məhəmməd adı verilir!
28 oktyabr 2010 13:53 (UTC +04:00)

İngiltərədə uşaqlara ən çox Məhəmməd adı verilir!

Lent.az-ın “Daily Mail” qəzetinə istinadən verdiyi məlumata görə, 2009-cu ildə bu ad İngiltərə və Uelsdə də yeni doğulan uşaqlara ən çox verilən ad olub, hətta ənənəvi Cek və Harri adlarını da üstələyib.

Məhəmməd, o cümlədən bu adın formaları olan Moxammed, Moqamet, Mexmet adlarını İngiltərədə 7 min 549 oğlan uşağı daşıyır. Yeni doğulan uşaqlara Məhəmməddən sonra ən çox verilən ad Oliverdir. 7 min 364 uşaq bu adı daşıyır.

14 il dalbadal ən populyar ad olmuş Cek adı 2009-cu ildə yalnız siyahının 3-cü pilləsində qərarlaşa bilib. Dördüncü və beşinci yerlərdə müvafiq olaraq Harri və Alfi adları gəlir.

Qəzet Məhəmməd adının dinamikasını da araşdırıb. Məlum olub ki, 1944-cü ildə İngiltərədə bu ad 87-ci yerdə olub, 1964-cü ildə artıq 73-cü pilləyə yüksəlib, indi isə birincidir.
# 1046

Oxşar yazılar