Pandemiya şəraitində dünyanın ən təhlükəsiz aviaşirkətləri

İQTİSADİYYAT

Ana səhifə
İQTİSADİYYAT

18:26 23 noyabr 2020

Pandemiya şəraitində dünyanın ən təhlükəsiz aviaşirkətləri - SİYAHI

"Safe Travel Barometer" layihəsi yeni növ koronavirus (COVID-19) pandemiyası şəraitində dünyanın ən təhlükəsiz aviaşirkətlərinin reytinqini tərtib edib.

"APA-Economics"in sözügedən reytinqə istinadən verdiyi məlumata görə, siyahı hazırlanarkən mütəxəssislər səyahətin hər mərhələsində (aeroport, təyyarə, hotel və muzeydə) sərnişinlərin təhlükəsizliyini qiymətləndirib. İlk belə siyahı uçuşlarında maksimum təhlükəsizlik tədbirləri həyata keçirən hava daşıyıcılarının reytinq olub.

Siyahının ilk pilləsində mümkün 5 baldan 4,4 bal toplayan "Emirates" aviaşirkəti qərarlaşıb. İlk üçlüyə daha iki Yaxın Şərq aviadaşıyıcısı daxil olub – "Etihad" (4,3 bal) və "Qatar Airways" (4,2 bal).

Qeyd edək ki, "Safe Travel Barometer" layihəsinə 2020-ci ildə turistlərin və sərnişinlərin sağlamlığı və təhlükəsizliyini izləmək məqsədilə start verilib.

Pandemiya şəraitində dünyanın ən təhlükəsiz aviaşirkətlərinin reytinqi:

#	Aviaşirkət	Ölkə	Bal
1	Emirates	BƏƏ	4,4
2	Etihad	BƏƏ	4,3
3	Qatar Airways	Qətər	4,2
4	Singapore Airlines	Sinqapur	4,1
5	Vistara	Hindistan	4,1
6	Air France	Fransa	4,1
7	Delta Air Lines	ABŞ	4,1
8	Air China	Çin	4,1
9	Lufthansa	Almaniya	4,1
10	Iberia	İspaniya	4,1