Geyim yalnız üslub deyil, həm də insanın özünü ifadə etmə vasitəsidir. İnsanın nə geyinməsi onun özünü necə qəbul etməsinə və əhvalına təsir göstərə bilər.
Lent.az xarici mediaya istinadən xəbər verir ki, bu yanaşmada rənglərə diqqət yetirmək vacib hesab olunur.
Müəyyən rənglər bir çox insanda fərqli emosiyalarla əlaqələndirilir. Məsələn, yaşıl rəng sakitləşdirici, mavi rahatladıcı, qırmızı stimullaşdırıcı, sarı isə enerjili rəng kimi qəbul oluna bilər.
Lakin hər kəs üçün keçərli olan “düzgün rənglər” siyahısı yoxdur. Rənglərin yaratdığı hisslər insanın şəxsi təcrübəsindən, mədəniyyətindən və xatirələrindən asılıdır.
Təkcə rəng deyil, geyimin biçimi, materialı və teksturası da insanın özünü necə hiss etməsinə təsir edə bilər.
Rahat sviter, sevimli don və ya qeyri-adi biçimli geyim fərqli emosional təsir yarada bilər.
Mütəxəssislər insanlara hansı geyimlərin onlarda rahatlıq və özünəinam yaratdığını müşahidə etməyi tövsiyə edirlər. Hətta müəyyən müddət ərzində hansı geyimlərin seçildiyini və onların hansı hissləri yaratdığını qeyd etmək də mümkündür. Bu üsul hansı rənglərin, fasonların və materialların insana daha uyğun olduğunu müəyyənləşdirməyə kömək edə bilər.
Beləliklə, “dopamin qarderobu”nun əsas məqsədi mütləq parlaq rənglər geyinmək və ya dəbi izləmək deyil. Daha vacib olan insanın seçdiyi geyimlə bağlı şəxsi assosiasiyaları və həmin geyimdə özünü necə hiss etməsidir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
