“iPhone” istifadəçilərinin bu tətbiqi söndürməlidir – Riskləri var

“Trust Wallet” kriptovalyuta pul kisəsinin tərtibatçıları messencerdə hakerlərin cihazları sındırmasına imkan verən yeni boşluq haqqında məlumatı açıqladıqdan sonra “iPhone” istifadəçiləri təhlükəsizlik səbəbi ilə “iMessage”ı söndürməyə çağırılır.

Lent.az xəbər verir ki, “X” sosial şəbəkəsində internetdə 2 milyon dollara satılan boşluq təcavüzkarlara zərərli linklərə klikləmədən “iMessage” vasitəsilə “iPhone”a daxil olmağa imkan verdiyi bildirilib.

“Trust Wallet” nümayəndələri hakerlərin mümkün hücumlarının qarşısını almaq üçün “iPhone” istifadəçilərinə “iMessage”ı müvəqqəti olaraq söndürməyi tövsiyə edir. Onlar hələ də müntəzəm SMS mesajları göndərə bilər. Bu da əlavə təhlükəsizlik səviyyəsini təmin edəcək.

Şirkətin xəbərdarlığına baxmayaraq, yaranmış yeni boşluğun elanı internetdə bəzi skeptik reaksiyalara səbəb olub. Bəzi ekspertlər, “Trust Wallet” tərəfindən təqdim olunan məlumatların kifayət qədər doğru olmadığına inanır və vəziyyətə daha yaxından baxmağa çağırır. Onlar xəbərdarlıq edirlər ki, bu cür mesajlar istifadəçilər arasında cihazlarını qorumaqdan daha çox çaxnaşma yarada bilər.

Hələlik “Apple” bu vəziyyətlə bağlı şərh verməyib.