“2013-2020-cu illərdə Azərbaycan Respublikasında İnkluziv Təhsilin İnkişafı üzrə Dövlət Proqramı” hazırlanıb və Nazirlər Kabinetinə təqdim olunub. Bu barədə Lent. az-a Təhsil Nazirliyindən məlumat verilib. Proqramın məqsədi sağlamlıq imkanları məhdud şəxslərin təhsilə cəlb olunmasını təmin etməkdir.
Dövlət Proqramının təsdiq olunub reallaşacağı təqdirdə sağlamlıq imkanları məhdud şəxslərin təhsilinin təşkili ilə bağlı problemlər öz həllini tapacaq.
Bunun üçün xüsusi internat məktəblərinin nəzdində fəaliyyət göstərən tədris emalatxanalarda əsaslı təmir işləri aparılıb, müasir inventar və avadanlıqlarla təchiz olunub. Şagirdlərə əmək təlimi dərsləri dərinləşmiş proqram tələbləri əsasında emalatxanalarda keçiriləcək. Ciddi qüsurları olan şagirdlər əmək təliminə oxuduqları sinifdən asılı olmayaraq 12 yaşdan cəlb ediləcəklər.
Bununla yanaşı, onların peşə vərdişlərinin inkişaf etdirilməsi ilə bağlı reabilitasiya-inkişaf mərkəzləri təşkil olunacaq. Gələcəkdə bu tip mərkəzlərin sayının artırılması planlaşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
