Nazirlik əməkdaşları Praqada səfərdədir
23 avqust 2013 16:17 (UTC +04:00)

Nazirlik əməkdaşları Praqada səfərdədir

Əmək və Əhalinin Sosial Müdafiəsi Nazirliyin əməkdaşları Çexiya Milli Əlillər Şurasının dəvəti ilə avqustun 19-dan 26-dək Praqada təcrübə səfərindədir. Bu barədə Lent.az-a nazirlikdən məlumat verilib. Məqsəd sosial infrastrukturun əlilliyi olan şəxslərə müyəssərliyi və BMT-nin “Əlilliyi olan şəxslərin hüquqları haqqında” Konvensiyasının milli qanunvericiliyə tətbiqi mexanizmi sahəsində Çexiya təcrübəsini öyrənməkdir.
Səfər “World Vision İnternational” humanitar təşkilatı yanında “Əlilliyi olan şəxslərin həyatında müsbət dəyişikliklər” layihəsinin işçi ekspert qrupunun tərkibində baş tutub. Qrupun tərkibinə Milli Məclis Aparatının Əmək qanunvericiliyi sektorunun müdiri Adil Vəliyev, Əmək və Əhalinin Sosial Müdafiəsi Nazirliyinin Əlillərin sosial müdafiəsi siyasəti şöbəsinin müdiri Vüqar Həsənov, Konstitusiya Araşdırmaları Fondunun sədri Əliməmməd Nuriyev və “World Vision İnternational” humanitar təşkilatının layihə rəhbəri Vüqar Əhmədov daxildir.

1 2 3 4 5 İDMAN XƏBƏRLƏRİ
# 524

Oxşar yazılar