“2013/2014-cü tədris ili üçün ümumi orta təhsil bazasında (9 illik) orta ixtisas təhsil müəssisələrinə qəbul olan abituriyentlərin qəbul olduqları təhsil müəssisəsində qeydiyyatı başa çatıb”. Bunu Lent.az-a açıqlamasında Tələbə Qəbulu üzrə Dövlət Komissiyasının mətbuat xidmətinin rəhbəri Elnur Nağızadə bildirib. Mətbuat katibinin sözlərinə görə, bu proses avqustun 29-dan başlanıb və bu gün saat 17:00-dək davam edib: “Abituriyentlərin cəmi 86 faizi qeydiyyatdan keçib”.
TQDK-nın mətbuat katibi onu da vurğulayıb ki, vakant yerləri üzrə yenidən yerləşdirmənin aparılması üçün elan veriləcək.
Xatırladaq ki, qəbul imtahanı mərkəzləşmiş qaydada respublikanın 12 şəhərində keçirilib. Müsabiqədə iştirak etmək üçün 39 551 abituriyent ərizə verib. Abituriyentlərdən 13661 nəfəri orta ixtisas təhsili müəssisələrinə qəbul olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
