Bu rayonlara leysan yağır - FAKTİKİ HAVA

Oktyabrın 17-si saat 9:00-a olan faktiki hava açıqlanıb.

Milli Hidrometeorologiya Xidmətindən Lent.az-a verilən xəbərə görə, oktyabrın 17-si saat 9:00-a olan məlumatına əsasən əvvəlcədən xəbər verildiyi kimi, ölkə ərazisində qeyri-sabit, yağıntılı hava şəraiti davam edir, bəzi yerlərdə arabir şimşək çaxır, leysan xarakterli yağış yağır.

Şahdağın 2800 metr yüksəkliklərinə qar yağıb.

Düşən yağıntının miqdarı Gədəbəydə 15 mm, Daşkəsəndə 14 mm, Göygöldə 9 mm, Gəncədə 6 mm, Biləsuvar, Qəbələ, Mingəçevirdə 4 mm, Kəlbəcərdə 3 mm, Şəki, Şəmkir, Zərdab, Kürdəmir, Goranboy, Yevlax, Tərtər, Astara, Şuşa, Zəngilan, Füzuli, Naxçıvan, Şərur, Şahbuz, Culfa, Sədərək, Ordubad, Naftalan, Balakən, Tovuz, Zaqatala, Oğuz, Qobustan, Qusar, Qrız, Şahdağ, Bərdə, Sabirabad, Şirvan, Neftçala, Yardımlı, Lənkəranda 2 mm-dək, Bakıda və Abşeron yarımadasında: Binədə 2 mm, Bakı, Maştağada 1 mm-dək olub.

Sumqayıt, Goranboy, Göygöl, Gəncə, Daşkəsən, Naftalan, Şəmkir, Tovuz, Balakən, Şamaxı, Qobustan, Qrız, Yevlax, Göyçay, Lerikdə duman müşahidə olunub.

Havanın minimal temperaturu Bakıda və Abşeron yarımadasında 15, Naxçıvan MR-da 8, Aran rayonlarında 14, dağlıq rayonlarda 8 dərəcəyədək isti qeydə alınıb.