Bill Qeyts dünyanın ən zəngin insanlarının ilk onluğundan çıxdı – SƏBƏBLƏR

Bill Qeytsin niyə artıq planetin ən zəngin 10 adamı sırasında olmadığı məlum olub.

“Microsoft”un həmtəsisçisi artıq milyarderlər reytinqində ilk yerlərdə deyil, lakin o, xeyriyyəçilikdə aktiv olaraq qalır və qlobal sağlamlığın və pandemiyaya hazırlığın yaxşılaşdırılmasının tərəfdarıdır.
Lent.az-ın xəbərinə görə, bu, “Forbes”in müvafiq reytinqi yayılandan sonra məlum olub.

Nəşrin məlumatına görə, Qeytsin sərvəti 107 milyard dollar təşkil edir ki, bu da onu amerikalı milyarderlər arasında 9-cu, dünyada isə cəmi 12-ci yerdə qərarlaşdırır. Bu o deməkdir ki, o, son bir ildə üç mövqe itirib və demək olar ki, 25 ildə öz reytinqində ən aşağı nöqtəyə çatıb.

Qeytsin sərvətinin azalmasının əsas səbəbləri onun həyat yoldaşından boşanması və xeyriyyə təşəbbüsləri ilə bağlıdır. 2021-ci ildə Melinda Frenç Qeyts ilə evliliyinin sonu əhəmiyyətli maliyyə nəticələri ilə başa gəlib. Cütlük iyirmi ildən çox əvvəl Bill və Melinda Qeyts Fondunu yaradıb, lakin Melinda bu yay öz layihələrinə diqqət yetirmək üçün təşkilatı tərk edib. İşbirliyi zamanı Qeyts xeyriyyə işlərinə 59 milyard dollardan çox ianə edib.

Qeyts “Netflix” serialının son epizodunda milyarderlər arasında sərvətin yüksək konsentrasiyasının problemlər yaratdığını vurğulayıb. O hesab edir ki, milyarderlər xeyriyyəçiliyə daha çox həvəsli olsaydılar, dünya daha yaxşı yer olardı. Texnologiya və xeyriyyəçilik sahəsindəki nailiyyətlərinə baxmayaraq, Qeyts müharibə ehtimalı və başqa bir pandemiya kimi qlobal risklər barədə də suallar qaldırır.

O, həmçinin qlobal münaqişələrin mümkünlüyü və gələcəkdə pandemiya riski ilə bağlı narahatlığını ifadə edib. Qeyts artan beynəlxalq gərginliyin böyük fəlakətlərə səbəb ola biləcəyini qeyd edib və həmçinin qarşıdakı onilliklərdə yeni pandemiyaların yarana biləcəyini bildirib. Alimlər onun narahatlıqlarını təkrarlayaraq, iqlim dəyişikliyi və əhalinin artımını pandemiyaların artmasına səbəb olan amillər kimi qeyd edirlər. Qeyts ölkələrin COVID-19-a qeyri-kafi reaksiyasını tənqid etdi və karantin siyasətlərində, xəstəliklərin monitorinqində və peyvəndlərin hazırlanmasında təkmilləşdirmələr təklif edib.