Türkiyə səfiri: “Bu qərarın heç bir mənası yoxdur”

“Tarixi bu şəkildə saxtalaşdırmaq olmaz”

Türkiyənin Azərbaycandakı səfiri İsmayıl Alper Coşkun ABŞ Senatının Xarici əlaqələr komitəsinin uydurma “erməni soyqırımı” ilə bağlı qətnamə qəbul etməsinə münasibət bildirib. APA-nın məlumatına görə, səfir jurnalistlərə açıqlamasında deyib ki, bu qərarın heç bir mənası yoxdur.

Səfir bildirib ki, bu məsələyə siyasi qiymət vermək doğru deyil: “Bu, tarixçilərin işidir, tarixi bu şəkildə dəyişmək, saxtalaşdırmaq olmaz. Bu qərarın heç bir anlamı yoxdur”.

Türkiyə XİN-in atacağı addımlara gəlincə, diplomat bu haqda konkret fikir söyləməyib: “Hər hansı addım atılanda bunu görəcəksiniz”.