Prezident İlham Əliyev Naxçıvandadır - YENİLƏNİB

Prezident İlham Əliyev Naxçıvan Muxtar Respublikasına səfəri çərçivəsində ümummilli lider Heydər Əliyevin Naxçıvan şəhərinin mərkəzində ucaldılan abidəsini ziyarət edərək önünə gül dəstəsi qoyub. Lent.az-ın AzərTAC-a istinadən verdiyi məlumata görə, Naxçıvan MR Ali Məclisinin sədri Vasif Talıbov dövlət başçısına abidənin ətrafında aparılan abadlıq və yenidənqurma tədbirləri barədə məlumat verib.

Daha sonra ölkə başçısı Naxçıvan Beynəlxalq Hava Limanının yeni inzibati binasının və Naxçıvan Biznes Mərkəzinin açılışında iştirak edib.

*****

12:59

Prezidenti İlham Əliyev Naxçıvan Muxtar Respublikasına səfər edib. Lent.az-ın AzərTAC-a istinadən verdiyi məlumata görə, prezident İlham Əliyev aprelin 7-də Naxçıvan Muxtar Respublikasına səfərə yollanıb. Naxçıvan Beynəlxalq Hava Limanında dövlət başçısının şərəfinə fəxri qarovul dəstəsi düzülüb.
Naxçıvan Muxtar Respublikası Ali Məclisinin sədri Vasif Talıbov və digər rəsmi şəxslər prezidenti qarşılayıb.

Dövlət başçısı fəxri qarovul dəstəsinin önündən keçdikdən sonra Naxçıvan MR-in rəhbər şəxsləri ilə görüşüb.