Azərbaycan Türkiyə Yüksək Səviyyəli Əməkdaşlıq Şurasının növbəti toplantısının bu il noyabrın ikinci yarısında keçirilməsi planlaşdırılır.
APA-nın məlumatına görə, bu barədə jurnalistlərə açıqlamasında Türkiyənin Azərbaycandakı səfiri İsmayil Alper Coşqun bildirib.
Onun sözlərinə görə, Azərbaycanda prezident seçkiləri başa çatandan sonra toplantının xüsusi planı tərtib olunacaq: “Amma bu il ərzində görüş mütləq təşkil olunacaq. Toplantıda əməkdaşlığın geniş spektrini əhatə edən məsələlər, o cümlədən siyasi, iqtisadi, mədəniyyət, təhsil məsələləri müzakirə ediləcək. Eyni zamanda ötən il keçirilmiş toplantıda verilən qərarlarla bağlı hansı irəliləyişlərin əldə olunduğuna baxılacaq. Bundan əlavə, yeni əməkdaşlıq imkanlarını nəzərdən keçirmişik. Bununla bağlı Azərbaycan və Türkiyə səfirlikləri qarşılıqlı olaraq fəaliyyət göstərirlər".
Qeyd edək ki, Azərbaycan Türkiyə Yüksək Səviyəli Əməkdaşlıq Şurasının ikinci toplantısı ötən il Qəbələ şəhərində keçirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
