MŞ: Jurnalistlərə maneçilik yoxdur

MŞ: Jurnalistlərə maneçilik yoxdur

“Bu gün saat 12.00-dək Mətbuat Şurasında (MŞ) 9 oktyabr prezident seçkisi ilə əlaqədar yaradılan «qaynar xətt»ə prosesi işıqlandıran jurnalistlər tərəfindən hər hansı müraciət daxil olmayıb”. Lent. az-a bu məlumat Mətbuat Şurasından verilib.

MŞ-nın müxtəlif yerlərdə seçkini izləyən monitorinq qrupunun üzvləri də media təmsilçilərinin peşə fəaliyyətini yerinə yetirmələrinə hər hansı maneçilik faktı qeydə almayıb.

Bundan başqa MŞ sədri Əflatun Amaşov Nəsimi, qurumun sədr müavini Umud Rəhimoğlu Binəqədi, Şuranın İdarə Heyətinin üzvlərindən - «İki sahil» qəzetinin baş redaktoru Vüqar Rəhimzadə və «Azərbaycan» qəzetinin baş redaktoru Bəxtiyar Sadıqov Xətai, Demokratik Jurnalistlər Liqasının sədri Yadigar Məmmədli Səbail, «Paralel» qəzetinin baş redaktoru Tapdıq Abbas Beyləqan, Füzuli və Xocavənd rayonunun seçki məntəqələrində jurnalistlərə yaradılmış şəraitlə, eləcə də onların prosesi işıqlandırmalarının vəziyyətilə tanış olublar. Bununla bağlı hər hansı neqativ cəhət qeydə alınmayıb.