Milli Məclis Qafqaz Müsəlmanları İdarəsinin iradlarını nəzərə alıb
Uzun müddətdir, müzakirəsi ləngiyən “Ailə planlaşdırması və reproduktiv sağlamlıq haqqında” qanun layihəsi Milli Məclisin payız sessiyasının gündəliyinə salınacaq.
Bunu APA-ya açıqlamasında parlamentin Sosial siyasət komitəsinin sədri Hadı Rəcəbli deyib.
Komitə sədri qeyd edib ki, cəmiyyətdə ciddi müzakirələrə səbəb olan, xüsusilə Qafqaz Müsəlmanları İdarəsinin (QMİ) sədri Şeyxülislam Allahşükür Paşazadəni narahat edən bəzi ziddiyyətli məqamlar artıq layihədən çıxarılıb.
Onun sözlərinə görə, bu, süni mayalanma, surroqat ana və s. məsələlərdir: “Bu məsələlər hələ ki, qanundan çıxarıldı və biz bunlar olmadan qanunu müzakirə edəcəyik. Amma ola bilsin ki, süni mayalanma və surroqat ana məsələsi qanuna əlavələr kimi 5-10 ildən sonra müzakirəyə çıxarılsın. Bunu hər halda zaman göstərəcək”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
