Ərdoğan və Güldən prezident İlham Əliyevə Ramazan təbriki
17 iyul 2013 16:42 (UTC +04:00)

Ərdoğan və Güldən prezident İlham Əliyevə Ramazan təbriki

 

 

Bu gün prezidenti İlham Əliyev Türkiyə xarici işlər naziri Əhməd Davudoğlunu qəbul edib.

 

Lent.az-ın AzərTAC-a istinadən verdiyi məlumata görə, Əhməd Davudoğlu Türkiyə prezidenti Abdullah Gülün və baş nazir Rəcəb Tayyib Ərdoğanın Ramazan bayramı münasibətilə təbriklərini dövlətimizin başçısına çatdırıb.

 

Görüşdə Azərbaycan ilə Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi qeyd edilib. Eyni zamanda bu münasibətlərin bundan sonra da möhkəmləndiriləcəyinə əminlik ifadə olunub. Söhbət zamanı iki ölkə arasında əlaqələrin siyasi, iqtisadi, enerji, regional və digər sahələrdə daha da genişləndirilməsinin perspektivləri ilə bağlı məsələlər ətrafında fikir mübadiləsi aparılıb.


Dövlət başçısı Türkiyə Prezidenti Abdullah Gülün və baş nazir Rəcəb Tayyib Ərdoğanın Ramazan bayramı münasibətilə təbriklərinə görə minnətdarlığını bildirib, onun da salamlarını və təbriklərini Türkiyənin prezidentinə və baş nazirinə çatdırmağı xahiş edib.

# 659
avatar

Oxşar yazılar