İrlandiyanın Dublin şəhərində Beynəlxalq Jurnalistlər Federasiyasının (İFJ) 28-ci Dünya Konqresi keçirilib. Azərbaycandan Konqresə Jurnalistlərin Həmkarlar İttifaqının (JuHİ) sədri Müşfiq Ələsgərli və təşkilatın xarici əlaqələr departamentinin rəhbəri Əhməd Əlili qatılıblar. Bu barədə Lent.az-a JuHİ-nin mətbuat xidmətindən məlumat verilib.
Konqresin gedişində medianın qlobal problemləri müzakirə edilib. Xüsusi olaraq, qlobal iqtisadi böhranın media industriyasına təsiri və nəticədə etik dəyərlərə münasibətin dəyişməsi; yeni media və müəlliflik hüququ; mediada gender problemləri, jurnalist təhlükəsizliyi kimi məsələlər diqqət mərkəzində olub, bu yöndə məruzələr dinlənilib və qiymətləndirmə aparılıb. Medianın qlobal problemləri ilə bağlı yeni çağırışlar elan edilib.
Konqresdə BJF-nin rəhbər qurumlarına seçkilər keçirilib. Britaniya və İrlandiya Milli Jurnalistlər Birliyinin (NUJ) təmsilçisi Jim Bumelha yenidən BJF prezidenti seçilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
