Azərbaycan və Ermənistan prezidentlərinin görüşünə hazırlıq gedir

ATƏT-in Minsk qrupunun həmsədrləri Azərbaycan və Ermənistan prezidentlərinin yaxın zamanda keçiriləcək görüşünü hazırlayır.

Lent.az-ın “İTAR-TASS” -a istinadən məlumatına görə, bu barədə həmsədrlərin Azərbaycan və Ermənistan xarici işlər nazirlərinin görüşünün yekununa dair bəyanatında bildirilib.

Nazirlər yaxın gələcəkdə prezidentlərin görüşünün mümkünlüyünü müzakirə edib və konkret məsələlərdə irəliləyişin vacibliyini vurğulayıblar.

ATƏT-in Minsk qrupunun həmsədrləri nazirləri bölgədəki gərginliyin aradan qaldırılması üçün ciddi addımlar atmağa və dinc nizamlama prosesini davam etdirməyə çağırıblar.

Xatırladaq ki, Azərbaycan və Ermənistan prezidentləri İlham Əliyev və Serj Sarkisyan sonuncu dəfə 2013-cü ilin noyabrında Vyanada görüşüblər.