Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev Yeqor Serbakovun ölümündə təqsirləndirilərək şübhəli şəxs kimi həbs edilən Orxan Zeynalovla əlaqədar Rusiya Federasiyası Ictimai Palatasının sədri Yevgeni Velixova məktub göndərib.
Şuranın mətbuat xidmətindən Lent.az-a verilən məlumata görə, məktubda Şura sədrinin baş vermiş hadisəyə görə təəssüf hissi keçirdiyi və mərhumun ailəsinə baş sağlığı verdiyi qeyd edilib.
Bununla yanaşı, məktubda məişət zəminində baş vermiş bu hadisənin milli müstəviyə cıxarılmasından, Orxan Zeynalovun hüquqlarının kobud şəkildə pozulmasından və zorakılıga məruz qalmasından ciddi narahatlıq ifadə olunub. Azay Quliyev rusiyali həmkarı akademik Velixovdan Şura ilə İctimai Palata arasında imzalanmış memorandumun 2.1.8-ci bəndinə əsasən bu məsələyə müdaxilə etmələrini və yaranmış narahatlığı aradan qaldırmaq üçün müvafiq tədbir görməsini xahiş edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
