ATƏT-in Minsk Qrupu Azərbaycan və Ermənistan prezidentlərinin növbəti görüşünü razılaşdıra bilməyib və belə bir görüş barədə yayın sonu, payızın əvvəlindən tez danışmaq mümkün deyil.
APA-nın İTAR-TASS agentliyinə istinadən verdiyi məlumata görə, bunu münaqişənin həllinə dair danışıqlarda iştirak edən ölkələrdən birinin nümayəndəsi deyib. Vyanadakı diplomatik mənbə bildirib ki, Zalsburqda iyunun 12-nə planlaşdırılan növbəti görüş baş tutmayacaq. Onun proqnozuna əsasən görüşün yayın sonları, payızın əvvəlindən tez baş tutması mümkün deyil.
Xatırladaq ki, may ayında ATƏT-in Minsk Qrupunun həmsədrləri prezidentlərin görüşünü razılaşdırmaq üçün növbəti dəfə bölgəyə səfər ediblər. Həmsədrlərin birgə bəyanatında bildirilib ki, yaxın vaxtlarda yalnız xarici işlər nazirləri ilə görüş nəzərdə tutulur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
