İqbal Ağazadə ABŞ səfirliyinin siyasi məsələlər üzrə müşaviri ilə görüşüb

Bu gün Ümid Partiyasının mənzil qərargahında partiya sədri İqbal Ağazadə ABŞ-ın ölkəmizdəki səfirliyinin siyasi məsələlər üzrə müşaviri Breqita Buşet ilə görüşüb. Partiyanın mətbuat xidmətindən Lent.az-a verilən məlumata görə, görüşdə parlament seçkilərinin nəticələri, Dağlıq Qarabağ problemi, demokratik dəyərlərin inkişafı və Azərbaycan ilə ABŞ arasında mövcud əməkdaşlıq münasibətləri müzakirə edilib.

Eyni zamanda demokratik proseslərin inkişafında səfirliklə Ümid Partiyası arasında əlaqələrin inkişaf perspektivləri barədə ətraflı fikir mübadiləsi aparılıb.