Medvedevdən Qarabağ münaqişəsinin tənzimlənməsinin əsas prinsipləri

Lent.az-ın verdiyi məlumata görə, bunu “Qolos Rossii” radiosuna açıqlamasında Rusiya xarici işlər naziri Sergey Lavrov söyləyib.

Sergey Lavrov deyib ki, Rusiya ATƏT-in Minsk qrupunun həmsədri, eyni zamanda Azərbaycan və Ermənistanla xoş münasibətləri olan ölkə kimi Dağlıq Qarabağ münaqişəsinin tənzimlənməsinə kömək edir. Onun sözlərinə görə, Dimitri Medvedev şəxsən bu məsələ ilə məşğul olur: “Dmitri Medvedev artıq Azərbaycan və Ermənistan prezidentləri ilə 8 görüş keçirib. Tərəflər arasındakı mövcud fikir ayrılığı və mövqelərindəki fərqləri aradan qaldırmaq üçün bu görüşlərdə ciddi səylər göstərilib”.

Rusiya xarici işlər naziri bildirib ki, Dmitrmi Medvedevin əsas məqsədi “Tənzimlənmənin əsas prinsipləri” adlı ilk ümumi həcmli sənəd hazırlamaqdır: “Bu sənəddə hazırlanacaq sülh sazişinin əsas istiqamətləri və hüquqi bazası göstəriləcək. Münaqişənin həllində əsas götürüləcək əksər prinsiplər üzrə razılıq var, ancaq ciddi problemlər hələ də qalır. Biz ATƏT-in Minsk qrupunun həmsədrləri olan amerikalılarla və fransızlarla sıx əlaqədəyik. Astana sammitində həmsədrlər Azərbaycan vя Ermənistan rəhbərliyi ilə görüşəcək. Həmsədrlərə tapşırılıb ki, Astana sammiti üçün bəyanat hazırlansın və həmin bəyanata Azərbaycan və Ermənistan prezidentləri. O cümlədən həmsədrlər imza atsınlar. Ümid edirik ki, bu, baş tutacaq. Əgər Astana sammitində irəliləyiş qeydə alınsa, bu, ciddi nailiyyət olacaq”.