“Türkiyə-Azərbaycan dostluğuna heç nə təsir göstərə bilməz”

Biz eyni millətin ayrı-ayrı dövlətləriyik. Mənə elə gəlir ki, indiyədək açıqlanan məqamlarda müəyyən məqsəd güdülür”.

APA-nın xəbərinə görə, bu sözləri Türkiyə prezidenti Abdulla Gül “Wikileaks” saytında dərc olunan yazışmalarda Türkiyə və Azərbaycanla bağlı məqamlara dair suala cavabında deyib. ATƏT-in Astana zirvə toplantısına yola düşərkən hava limanında media mənsublarının suallarını cavablandıran A. Gül bildirib ki, bu yazışmalar amerikalı diplomatların çalışdıqları ölkələrdə baş verən hadisələr, eləcə də müəyyən şəxslərlə bağlı şəxsi düşüncələrini əks etdirən fikirlərdir: “Bunların bəziləri doğru ola bilər, bəziləri yanlış ola bilər. Bu məsələni bu şəkildə anlamaq lazımdır”.

A.Gül əlavə edib ki, onun baş nazir Rəcəb Tayyib Ərdoğanla münasibətlərinə dair yazılanlar bu münasibətləri və mövcud siyasəti poza bilməz. Onun fikrincə, arxivlərdən materialların sızması hamıdan əvvəl bu arxivlərə sahib olan ölkəni düşündürməlidir.