“21-ci əsrdə Türk Dünyası”
29 noyabr 2010 15:32 (UTC +04:00)

“21-ci əsrdə Türk Dünyası”

Lent.az-ın trt.net.tr saytının Azərbaycan versiyasına istinadən verdiyi məlumata görə, Avrasiya İqtisadi Münasibətlər Dərnəyi və Lefke Avropa Universitetinin keçirdiyi simpoziumda Türkiyə, Azərbaycan, Qazaxıstan, Özbəkistan, Türkmənistan, Qırğızıstan, Şimali Kipr Türk Cümhuriyyəti, Kosovo və Makedoniyadan elm adamları, millət vəkilləri və jurnalistlər iştirak edəcək.

ŞKTC prezidenti Dərviş Əroğlu ilə bərabər, çox sayda siyasətçinin iştirak edəcəyi simpoziumda Türk Dünyasının real əməkdaşlıq, sərmayə imkanları araşdırılacaq, inteqrasiya prosesi gözdən keçiriləcək. Toplantıda türk cümhuriyyətləri adından 65 məruzə təqdim ediləcək. Simpoziumun açılışında Avrasiya İqtisadi Münasibətlər Dərnəyinin bu il ilk dəfə veriləcək “2010 - Zəki Vəlidi Toğan” xidmət mükafatları da təqdim olunacaq.

Mükafata ŞKTC prezidenti Dərviş Əroğlu, TÜRKSOY-un baş direktoru Düsen Kaseynov, Azərbaycan Milli Məclisinin üzvü Qənirə Paşayeva, Keçiörən bələdiyyə başqanı Mustafa Ak, Beynəlxalq Qara Dəniz Əməkdaşlıq Vəqfinin Türkiyə təmsilçisi İsmayıl Safi, Ahi Evran Universitetinin müəllimi Gürşad Zorlu, TÜRKSAM başqanı Sinan Oğan, Türk Dünyası Bələdiyyələr Birliyi və Türk Qızılay Dərnəyi layiq görülüb.
# 884

Oxşar yazılar