Səfər Əbiyev Daşkəndə getdi

Müdafiə Nazirliyinin mətbuat xidmətindən Lent.az-a verilən məlumata görə, səfər zamanı ölkələr arasında hərbi əməkdaşlığın vəziyyəti və perspektivinin müzakirə olunacağı, Cənubi Qafqaz və Orta Asiya regionunda hərbi-siyasi vəziyyət barədə fikir mübadiləsinin aparılacağı nəzərdə tutulur.

Səfər çərçivəsində Azərbaycan Respublikası ilə Özbəkistan Respublikası arasında 2011-ci il üçün hərbi əməkdaşlıq planının imzalanması planlaşdırılır.

Azərbaycanın müdafiə naziri S.Əbiyevin Özbəkistan Respublikasının yüksək səviyyəli şəxsləri ilə görüşləri də gözlənilir.