Həmsədrlər İqor Popov və Robert Bradtke İrəvandan Bakıya qayıdıblar
APA-nın məlumatına görə, bu gün Bakını tərk edərək Ermənistana gedən həmsədrlərin geri qayıtmasında məqsəd İrəvanda apardıqların danışıqların məzmunu barədə rəsmi Bakını məlumatlandırmaqdır. ATƏT-in Minsk Qrupunun Fransadan olan həmsədri Bernar Fasie isə İrəvandan Parisə gedib. O, Dağlıq Qarabağ münaqişəsinin nizamlanmasına dair danışıqların gedişi barədə Fransa rəhbərliyini məlumatlandırdıqdan sonra digər həmsədrlərlə birlikdə noyabrın 29-da Astanaya gedəcək. Xatırladaq ki, dekabrın 1-2-də Astanada ATƏT-ə üzv ölkələrin dövlət və hökumət başçılarının zirvə toplantısı keçiriləcək.
470