Amerikalı ekspertlər: “Dağlıq Qarabağ münaqişəsi regionun sabitliyi üçün təhlükədir”

APA-nın ABŞ bürosunun məlumatına görə, Vaşinqton Yaxın Şərq Siyasəti İnstitutunun Türk Tədqiqatları Proqramının direktoru Soner Çağatay ABŞ-Türkiyə münasibətlərinə dair Vaşinqtonda keçirilən konfransda belə deyib. O bildirib ki, ermənilərin Türkiyə haqqında dünyada yaratmaq istədiyi fikirlər və imic həqiqətə uyğun deyil: “1915-ci il hadisələri Türkiyədə geniş müzakirə olunur, çünki hazırda cəmiyyət çox dəyişib və hər hansı bir məsələnin müzakirəsinə qadağa yoxdur”.

Amerika Tərəqqi Mərkəzinin tədqiqatçısı Maykl Vörz (Michael Werz) hesab edir ki, Türkiyə-Ermənistan münasibətlərinin düzəlməsi regionda gərginliyin zəifləməsinə çox yardım edə bilər. Ekspertlərin fikrincə, Türkiyə regionda mühüm sülh faktoru və ABŞ-ın böyük tərəfdaşıdır. Onlar həmçinin qeyd ediblər ki, Dağlıq Qarabağ münaqişəsi regionun sabitliyi üçün təhlükədir. Bu baxımdan münaqişə mümkün qədər tez həll olunmalı və ATƏT-in Minsk Qrupunun həmsədrləri bu prosesə kömək etməlidirlər.