Kanadalı senator: “Ən çox xoşumuza gələn insanların səsvermədə aktiv iştirakı oldu”

Lent.az-ın əməkdaşının verdiyi məlumata görə, müşahidəçi səhər saatlarından seçki məntəqələrində olduqlarını deyib: “Biz bu gün bir sıra seçki məntəqələrində olduq, həmçinin səhər saat 08.00-da məntəqələrdən birinin açılışında iştirak etdik. Ən çox xoşumuza gələn insanların səsvermə prosesində aktiv iştirakı oldu”.

O, seçkini izləyən müşahidəçilərin sayının da çox olduğunu vurğulayıb: “Biz bu qədər müşahidəçinin də olacağını gözləmirdik”.

Kanadalı senator müşahidələri zamanı prosesin normal getdiyini, yalnız bəzi anlaşılmazlıq halları ilə rastlaşdığını bildirib: “Hansı ki, bunlar bütün seçki proseslərində baş verir”.

MSK nəzdində “Seçkilər” İnformasiya Mərkəzinə gələn digər beynəlxalq müşahidəçi – Hollandiya parlamentinin milliyyətcə türk olan üzvü Coşkun Çoruz da səsvermə prosesinin normal və qaydalara uyğun şəkildə davam etdiyini vurğulayıb.