AXCP-Müsavat blokundan açıqlama

Blokadan APA-ya daxil olan məlumatda seçki prosesinin bloklun müşahidəçiləri tərəfindən izlənildiyi bildirilib.

Seçki bloku proses çərçivəsində bəzi məntəqələrdə qanun pozuntularının qeydə alındığını vurğulayıb.

Blokun məlumatında, əsasən müşahidəçilərin məntəqələrdəki yeri, məntəqələrin işıqlandırılması, detektorlarla bağlı olan xəbərlər əksini tapıb.

Blokun 108 saylı Ağstafa Seçki Dairəsindən (SD) namizədi Başxanım Abbasova bəzi bələdiyyə üzvlərinin digər namizədin xeyrinə təbliğat apardıqlarını bildirib.

11 saylı Qaradağ SD-də 14 saylı məntəqədə MSK-da qeydiyyatdan keçmiş müşahidəçi məntəqəyə buraxılmayıb.

Blok 33 saylı Xətai I SD-nin 16 saylı məntəqəsinin işıqlandırılmasında problem olduğunu, detektor yoxlayıcıların məntəqədə lazımi yerdə dayanmadıqlarını bildirib.

33 saylı Xətai I SD-nin 18 saylı məntəqəsində isə mürəkkəb sol əl əvəzinə sağ ələ vurulub.

17 saylı Yasamal III Seçki Dairəsinin bir neçə məntəqəsində isə müşahidəçilərin məntəqədə yerləşdikləri yerlə bağlı iradları olub.