MSK sədri seçicilərə müraciət etdi
07 noyabr 2010 08:12 (UTC +04:00)

MSK sədri seçicilərə müraciət etdi

Bu gün Mərkəzi Seçki Komissiyasının (MSK) sədri Məzahir Pənahov MSK nəzdində “Seçkilər” İnformasiya Mərkəzində mətbuat konfransı keçirib. Lent.az-ın məlumatına görə, M. Pənahov bildirib ki, 5 minə yaxın seçki məntəqəsində 5 milyona yaxın seçici səs verəcək.

M. Pənahov seçkiləri izləmək üçün ümumilikdə 46639 yerli müşahidəçinin qeydiyyatdan keçdiyini açıqlayıb. Bütün respublika ərazisində müşahidə aparacaq 3466 nəfər MSK tərəfindən, dairələrdə müşahidə aparacaq 43173 müşahidəçi isə DSK-larda qeydiyyatdan keçib.

500 məntəqədə isə “web-camera” quraşdırılıb ki, internet vasitəsi ilə hər kəs həmin məntəqələrdə baş verənləri izləyə bilər.

M. Pənahov bütün namizədlərə uğurlar arzulayaraq bildirib ki, bu seçki Azərbaycanda demokratiyanın göstəricilərindən biri olacaq. O, seçiciləri seçki məntəqələrinə gedərək, səs verməyə çağırıb.

Daha sonra Azərbaycanın dövlət himni oxunub.

M. Pənahov seçkiyə start verildiyini bildirərək ölkədəki bütün seçki məntəqələrinin açıq olduğunu bildirib.
# 574

Oxşar yazılar