AŞPA müşahidəçiləri seçki ilə bağlı aralıq hesabatı hazırlamayacaq

Missiyaya AŞPA-nın 5 üzvü daxildir, onlar müxtəlif siyasi partiya qruplarını təmsil edirlər. APA-nın məlumatına görə bu barədə Avropa Şurası baş katibinin Azərbaycandakı xüsusi nümayəndəsi Veronika Kotek bildirib.

Səsverməni müşahidə edəcək missiyaya isə 30-dək AŞPA üzvü daxil olacaq. Onlar Azərbaycana səsvermə günündən bir neçə gün əvvəl gələcək, eyni formatda görüşlər keçirəcək, seçki günü həm Bakıda, həm də regionlarda səsverməni izləyəcəklər. Seçki gününün ertəsi isə beynəlxalq müşahidənin nəticələrini açıqlamaq üçün mətbuat konfransı keçiriləcək.

V. Kotek seçkilərlə bağlı AŞPA müşahidə missiyasının aralıq hesabatının olmayacağını deyib: “Seçkiqabağı missiya səfərin yekunlarına dair yalnız mətbuat konfransı keçirəcək”.

“Təşviqat kampaniyasını necə dəyərləndirirsiniz” sualını isə xanım Kotek belə cavablandırıb: “Avropa Şurasında seçkilərlə bağlı müşahidə aparmaq hüququ yalnız Parlament Assambleyasına məxsusdur. Ona görə də biz onların müşahidələrinin nəticələrini gözləməliyik”.