Parlamentdə azlıqda olan partiyalar və bitərəflərdən MSK üzvlüyünə namizədlər müəyyənləşib

Bu barədə APA-ya toplantıda iştirak etmiş millət vəkili, Böyük Quruluş Partiyasının (BQP) sədri Fazil Mustafa məlumat verib.

Onun sözlərinə görə, toplantıya Milli Məclisdə azlıq təşkil edən partiyalardan Müsavat və Xalq partiyalarından olan millət vəkilləri qatılmayıb. Müsavat Partiyası Seçki Qərargahının rəhbəri, partiya tərəfindən Mərkəzi Seçki Komissiyasının üzvlüyünə namizədliyi irəli sürülmüş Gülağa Aslanlı toplantıda iştirak edib.

Toplantıda Milli Məclisdə azlıqda təmsil olunan partiyaların nümayəndələrindən Gülağa Aslanlı (Müsavat partiyası) və Mikayıl Rəhimlinin (BAXCP) MSK-ya üzv göndərilməsi barədə qərar qəbul olunub. Parlamentdə bitərəflərin nümayəndəsi olaraq isə MSK-ya ixtisasca hüquqşünas olan Arifə Ağaverdi qızı Muxtarovanın namizədliyi irəli sürülüb.

Qeyd edək ki, MSK-ya yeni üzvlərin təyin olunması məsələsinə Milli Məclisin növbəti iclasında baxılacaq.

Hazırda MSK-nın 15 üzvü var. Yeni üzvlər fəaliyyətə başlayandan sonra MSK üzvlərinin sayı 18-ə çatacaq. Bu isə MSK-nın tam tərkibdə formalaşması demədir.