Yüzlərlə qadın koronavirusa məhəl qoymayıb…- DƏHŞƏTLİ GÖRÜNTÜLƏR
06 may 2021 22:28 (UTC +04:00)

Yüzlərlə qadın koronavirusa məhəl qoymayıb…- DƏHŞƏTLİ GÖRÜNTÜLƏR

Koronavirus epidemiyası ilə mübarizə aparmaqda çətinlik çəkən Hindistanın Gujarat əyalətindəki Sanand bölgəsində yüzlərlə qadın dini mərasim üçün sosial məsafəyə və maska ​​qaydalarına məhəl qoymadan mitinq edib.

Lent.az xarici KİV-ə istinadən xəbər verir ki, Hindistanda koronavirus səbəbi ilə itkilər sürətlə artmağa davam edərkən, ölkədəki yüzlərlə qadının koronavirusu görməməzlikdən gələrək təşkil etdikləri mitinq heyrətə səbəb olub.

Qadınlar başlarında su dolu qazanlarla maskasız və sosial məsafəyə fikir vermədən Baliyadev Məbədinə yürüş ediblər. Qadınlar bu yürüşü məbəddə dua etməyin Covid-19-dan qurtulmağa kömək edəcəyinə inandıqları üçün təşkil etdiklərini deyiblər. Yürüş görüntülərinin sosial mediada yayılması qəzəbə səbəb oldu.

Hadisə baş verən yerə polislər gəlib və qadınları evlərinə dönmələri mövzusunda xəbərdar ediblər. Hadisə ilə əlaqəli 23 adamın nəzarətə alındığını da bildirilib.

Hadisədən sonra Gujarat əyalətində 12 may tarixinə qədər karantin tədbirlərinin tətbiq edilməsinə qərar verilib.

Qeyd edək ki, Hindistanda son 24 saat ərzində koronavirus səbəbindən 3980 nəfər ölüb, 230168 nəfərdə virus aşkar edilib. Epidemiyanın başlanğıcından bəri ölkədə ölənlərin sayı 400 mini keçib və 21 milyondan çox insanda virus aşkarlanıb.

1 2 3 4 5 İDMAN XƏBƏRLƏRİ
# 366852
avatar

Lamiyə Məmmədova

Oxşar yazılar