Roza Zərgərli mükafatlandırıldı

Tanınmış müğənni Roza Zərgərli yaradıcılıq işlərindən danışıb. Lent.az-a açıqlama verən ifaçı bildirib ki, bu yaxınlarda yeni layihəsi işıq üzü görəcək: “Yaradıcılıq işlərimlə bağlı yeniliklərim çoxdur. Aparıcılıq işlərimlə əlaqədar olaraq yaradıcılığım ikinci plana düşmüşdü. Bu da normaldır. Bir müğənni kimi özümü bu ampluada da sınadım. Düşünürəm ki, pis də alınmadı. Amma bu da son deyil. Yeni mövsümdən tam bambaşqa bir layihə ilə tamaşaçıların görüşünə gələcəyəm. Aparıcılıq etdiyim “Bakı vaxtı ilə” verilişi Azərbaycan mədəniyyətinə xidmət edir və bundan sonra da öz misyamı davam etdirəcəyəm”.

Daha sonra R.Zərgərli Gənclər və İdman Nazirliyi Xəzər Rayon Gənclər və İdman İdarəsi tərəfindən mükafatlandırılmasına münasibət bildirib: “Bu günə qədər bir çox mükafatlarla təltif olunmuşam. Mənim üçün əsas olan mükafat yox, mənə verilən dəyər və diqqətdir. Çox sağ olsunlar ki, “Respublika günü” ilə bağlı olan tədbirdə məni və aparıcı Zabir Əliyev, prodüser Humay Muxtarova, müğənnilər Əli, Ozan, Mətanət) mükafatlandırdılar”.