Seksual model Trampın xanımından üzr istədi - VİDEO

Amerikalı model Gigi Hadid “Amerikan Musiqi Mükafatlar”nın təqdimat mərasimində ABŞ-ın yeni prezidenti Donald Trampın həyat yoldaşı Melania Trampı təqlid etdiyi üçün üzr istəyib. Lent.az-ın xarici KİV-ə istinadən məlumatına görə, Hadidin bu təqlidi irqçilik tənqidlərinə məruz qalmışdı.

G. Hadidin prezidentin xanımını təqlid etməsi tamaşaçıları güldürsə də, tənqidlərdən də yan qaçmadı. Melania Trampın danışığını və ləhcəsini təqlid etdiyi üçün “irqçilik”də qınalınan model üzr məktubu yazıb və məktubun fotosunu Twitter-də paylaşıb.

Məşhur dünya brendi “Victoria's Secret”in modeli “Amerika Musiqi Mükafatları” mərasiminin aparıcı olmaqdan qürur duyduğunu bildirib: “Tədbir üçün çox gözəl ssenari yazılmışdı. Lakin mən bu ssenarisindən kənara çıxdım və yersiz zarafatlar etdim. Çox irəli getdiyimi etiraf edirəm. Mənim zarafatımda əsla pis niyyət olmayıb. Mən inanıram ki, Melania şou dünyasından və şoudan anlayışı olan insandır. Qəlbinə dəydiyim hər kəsdən üzr istəyirəm. Hörmətlə”.