“O səs Türkiyə”dəki möhtəşəm qalibiyyətindən sonra Elnur Hüseynovun qardaş ölkədə populyarlığı və birinciliyi haqqında söz-söhbətlər davam edir.
“Lent.az”-ın “anspress.com”-a istinadən məlumatına görə, “Eurovision” mahnı müsabiqəsində builki təmsilçimizimiz olan Elnur Hüseynov Türkiyənin ən reytinqli proqramlarından biri kimi tanınan “Beyaz Show”da qonaq olacaq.
Verilişdə həmçinin Türkiyənin tanınmış aktyor və sənətçilərindən Demet Akbağ, Ata Demirer, Şebnem Bozoklu, Levent Ülgen iştirak edəcək.
“O Səs Türkiyə”dəki qalibiyyətindən sonra fevral ayında da verilişin qonağı olan Elnur Hüseynov gələcək planlarından danışmış, özünəməxsus ifası ilə tamaşaçıları heyran etmişdi.
Qeyd edək ki, Elnur Hüseynov “Eurovision 2008”də Samir Cavadzadə ilə Azərbaycanı təmsil etmiş ifaçıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
