Özünə toy kimi doğum günü edən məşhurlarımız KİMLƏRDİR? - SİYAHI

Son illər bir doğum günlərini toy kimi keçirmək dəbə çevrilib. Buna daha çox şou-biznes aləmində rast gəlirik. Bu tədbirlərə doğum günü mərasimi demək olarsa, təbii ki. Çünki bu şənliklər toydan fərqlənmir, əksinə, toy daha sadə görünür.

Xalq artisti Zülfiyyə Xanbabayevanın son günlər müsahibəsində dediyi sözləri yerinə düşər. O, “bu cür məclislər keçirib insanları özümə güldürə bilmərəm”, - deyib. Müğənni hesab edir ki, ad günü qeyd etmək, məclis qurmaq elə bir özəl məsələdir ki, orada insanın ən yaxınları, dostları olmalıdır və onlarla bir-bir maraqlanmalıdır. Təəssüflər olsun ki, bunun əksi ilə rastlaşırıq. Toy formasında keçirilən doğum günlərinə məşhurların övladları, nəvələrinin ad günlərinə də aiddir.

Təbii ki, dünya ulduzları da xüsusi hesab etdikləri doğum günlərini keçirirlər. Ancaq sosial şəbəkələrdə göründüyü kimi, ürəkləri istəyən formada – ya təntənəli, ya da ailə daxilində, sadə şəkildə keçirirlər. Yenə də doğum günü konsepsiyasından çıxmayaraq qeyd edirlər.

Bəs bizim məşhurlardan kimlər toy formasında, kimlər sadə və sakit doğum günləri keçirir?

Lent.az həmin məşhurların siyahısını təqdim edir:

1.   Xalq artisti Aygün Kazımova – Daim doğum günlərini ehtişamlı, dəbdəbəli saraylarda, dostlarının və ictimaiyyət nümayəndələrinin əhatəsində qeyd etməyi sevir. Axı o, divadır.
2.   Aktrisa Pərvin Abıyeva – Hər il diqqətçəkən doğum günləri edən Pərvinə gələn hədiyyələr də gözdən yayınmır. dünən 32 yaşının gəlişini qeyd edən aktrisanın məclisinə Aygün Kazımova və tanınmış dostları da gəlib. 1001 qızılgül, oriental rəqslər, böyük tort, dəbdəbəli dress-kodlar və s. Hər il “toy kimi doğum günü”ndən xəbər verir.
3.   Xalq artisti Röya Ayxan – Sevilən müğənni hər ad gününü təmtəraqla keçirən məşhurlar sırasındadır. Onun məclisləri daha çox diqqətçəkici məkanlarda, ancaq seçilmiş qonaqlarla, məşhur simalar, gül çələngləri, peşəkar çəkilişlər olur.
4.   Müğənni Nigar Camal – tanınmış ifaçı doğum gününü çox da təmtəraqla keçirən məşhur deyil. Məsələn, daha çox rəqsə, yaraşıqlı məkanlara və xüsusi qonaqlara üstünlük verir.
5.   Aparıcı Afaq Gəncəli – Onun ən çox üstünlük verdiyi gözəl libaslarda çəkilişlər, böyük tortlar, güllər və sairədir.
6.   Aktyor Bəhram Bağırzadə - Əməkdar artist doğum günlərini keçirməyi çox da sevməsə də, doğum gününü alkoqolsuz və təmtəraqsız keçirməyə üstünlük verənlərdəndir.
7.   Xalq artisti Zülfiyyə Xanbabayeva – Həyatını ictimaiyyətdən iraq yaşamağı sevən müğənni doğum gününü sadə və ürəyi istəyən formada keçirir.
8.   Meyxanaçı Rəşad Dağlı – İfaçı doğum gününü dostlarının əhatəsində məkan bağlatdıraraq sadə formada keçirir.
9.   Müğənni Eyyub Yaqubov – O, doğum günü keçirməyi ümumiyyətlə, xoşlamadığını bildirib.
10.  Müğənni Türkan Vəlizadə - Müğənninin dəbdəbəli doğum günlərində bir çox məşhur simaları, bahalı məkanları, gül buketlərini və s. göstərir.
11.   Müğənni Damla – O, ötən doğum gününü uşaqlar evində keçirib. Ümumiyyətlə isə müğənni doğum günü partilərini çox da sevmir.
12.   İş adamı Anar Məmmədov – Sabiq nəqliyyat naziri Ziya Məmmədovun oğlu, tanınmış iş adamı Anar Məmmədovun xanımına “toy kimi” ad günü keçirməsi sosial şəbəkələrdə müzakirələrə səbəb olmuşdu. Məclisdə Türkiyənin tanınmış sənətçiləri Alişan, Demet Akalın, Simge, rəqqasələr və bir neçə məşhur simalar iştirak ediblər. Saray kimi məkanda böyük tort da kəsilib.
13.   Rəqqasə Fatimə Fətəliyeva – Xına məclislərinin “kraliçası” hesab edilən rəqqasə məşhur simalarla, böyük məkanlarda təmtəraqlı doğum günü keçirməyi sevir.
14.   Aktrisa Sevinc Əliyeva – Bu məşhur son illər parlayandan sonra dəbdəbəli məclislə doğum günü keçirir. Onun partisi də diqqət çəkən məclislərdən siyahısındadır.
15.   Övladlarına dəbdəbəli doğum günü keçirən məşhurlar arasında iş qadını Ruhi Əliyeva, aktrisalar Məleykə Əsədova, Dilarə Əliyeva, müğənnilər Ayan Babakişiyeva, Safura Əlizadə, Şəbnəm Tovuzlu, Xatirə İslam və başqaları da var.