Müğənni Rihanna Los-Ancelesdəki Hollivud holda yerləşən malikanəsindən külli miqdarda ziyana düşməklə xilas olub.
Lent.az-ın xarici mediaya istinadla məlumatına görə, sövdələşmə 6,6 milyon dollar təşkil edib. Alıcının adı naməlum olaraq qalır.
Aralıq dənizi üslublu ev 2018-ci ilin sonunda satışa çıxarılsa da, son vaxtlara qədər ona alıcı tapmaq mümkün olmayıb. Rihanna 2017-ci ildə malikanəni almaq üçün ödədiyi məbləğlə müqayisədə indiki satış nəticəsində təxminən 250 min dollardan daha çox zərər çəkib.
Müğənni əvvəlcə 662,3 kvadratmetrlik mülkü 7,5 milyon dollara satmağı planlaşdırırdı.
2015-ci ildə tikilmiş malikanədə 6 yataq otağı, 10 vanna otağı, mətbəx, yeməkxana, ev kinoteatrı və hovuz otağı var. İnteryer əsasən açıq rənglərdə hazırlanıb. Obyektin xüsusiyyətləri arasında rieltorlar hündür tavanları, tağlı qapıları, həmçinin pəncərədən Los-Ancelesin və dağların mənzərələrini vurğulayırlar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
