“Qanuni oğru”nun çürümüş meyiti tapıldı - İNTİHAR, yoxsa...

İnquşetiyada Surxaxi kəndi yaxınlığında kriminal dairələrdə Həmzət İnquş kimi tanınan 31 yaşlı “qanuni oğru” Həmzət Auşevə aid ola biləcək skeletə çevrilmiş cəsəd tapılıb.

Lent.az-ın xarici mediaya istinadla məlumatına görə, meyitin yanında tapança da olub. Daxili İşlər Nazirliyi və İnquşetiya İstintaq Komitəsinin idarələri kriminal avtoritetin meyitinin tapılması ilə bağlı məlumatı təkzib etməyiblər.

Auşevin ölümünün əsas versiyası yerli sahibkarların radikal dini baxışlarına xərac qoymaq cəhdinə görə onun qətlə yetirilməsidir. Mərhumun psixi durumu ilə bağlı intihar versiyası da nəzərdən keçirilir.

Həmzət Auşev Rusiyanın ən gənc “qanun oğrular”ından biridir. O, 2012-ci ildə nüfuzlu gürcü “qanuni oğrular” tərəfindən “taclandırılıb”.

2013-cü ildə o, “Vladimirski mərkəzi” həbsxanasında quldurluq və təşkilatlanmaya görə həbs edilib və uzun müddət cəza çəkib.

2020-ci ildə criminal avtoritet həbsxananın psixiatriya xəstəxanasına göndərilib və 2021-ci ilin yazında sağlamlıq səbəbi ilə oradan azad edilib.