Soyuducu anbar tikintisi üzrə 3 layihəyə pul ayrılıb
10 avqust 2009 16:45 (UTC +04:00)

Soyuducu anbar tikintisi üzrə 3 layihəyə pul ayrılıb

Bunlardan 2-si Aran, 1-i isə Gəncə-Qazax zonasından təqdim olunmuş layihələrdir

Azərbaycanda soyuducu anbar komplekslərinin yaradılması üzrə layihələrin maliyyələşdirilməsinə başlanıb. Artıq Sahibkarlığa Kömək Milli Fondu (SKMF) müvəkkil kredit təşkilatları vasitəsilə Aran iqtisadi rayonunda 2, Gəncə-Qazax iqtisadi rayonunda isə 1 investisiya layihəsi olmaqla 3 sahibkarlıq subyektinə güzəştli kreditlər verib.

Fonddan lent.az-a bildiriblər ki, soyuducu anbar sahibkarlıq subyektləri tərəfindən təqdim olunmuş digər investisiya layihələrinin güzəştli qaydada maliyyələşdirilməsi davam etdirilir.

Xatırladaq ki, SKMF iyulun 31-də Quba-Xaçmaz iqtisadi rayonu üzrə 6, Aran iqtisadi rayonu üzrə 4, Lənkəran və Gəncə-Qazax iqtisadi rayonları üzrə hər birində 1 investisiya layihəsi olmaqla ölkənin 4 iqtisadi rayonunda soyuducu anbar komplekslərinin tikintisi üzrə sahibkarlıq subyektlərinin təqdim etdiyi 12 investisiya layihəsinin maliyyələşdiriləcəyini elan etmişdi.

Elxan SALAHOV
# 1065

Oxşar yazılar