DəmirBank kart sahibləri “Gazelli” mağazalar şəbəkəsində endirimlər əldə etdilər

DəmirBank plastik kart sahibləri “Gazelli” mağazalar şəbəkəsində alınan malların qiymətindən 15% həcmində endirimdən istifadə edə bilər.

“Gazelli” mağazalar şəbəkəsi hazırda Bakı şəhərində yerləşən üç mərkəzdən ibarətdir – Gazelli Evi (Nizami 93; Tel: 493 96 88, 493 26 24), Gazelli Şüvəlan (Almaz İldırım 8; Tel: 454 82 63), Gazelli Vellness ənd Spa Kompleksi (Heydər Əliyev adına beynəlxalq hava limanı, Aeroport Otel; Tel: 497 18 89).

“GAZELLİ” fəlsəfəsi mənəvi və fiziki vəhdətin tərənnümüdür. Özünün orijinallığı və zəngin mədəniyyəti ilə fərqlənən zərif şərq fəlsəfəsi şəxsiyyətin həmahəng inkişafı ilə gözəlliyi təbliğ edir. Yüksək keyfiyyət, səmimi qayğı, diqqət, fərdi yanaşma, nəzakət, özünlə vəhdət təşkil etmə - “GAZELLİ”nin öz alıcılarına təklif etdiyi mühüm dəyərlərdir.

“Gazelli” mağazalarında, eləcə də “Kart sahiblərinə endirimlər” proqramı çərçivəsində digər ticarət və xidmət mərkəzlərində endirim əldə etmək üçün plastik kartı göstərmək kifayətdir – ödənişi nağd şəkildə aparmaq olar. Endirimlərin həcmi müxtəlif ticarət və xidmət mərkəzlərində 15%-dək təşkil edir. Hazırda ölkədə fəaliyyət göstərən 25-dək müxtəlif xidmət və ticarət şirkətləri DəmirBank-ın “Kart sahiblərinə endirimlər” layihəsinin iştirakçısıdır.

DəmirBank-ın endirimlər proqramı haqqında ətraflı məlumatla Bankın saytında Kart sahiblərinə endirimlər səhifəsində http://www.demirbank.az/?/az/content/267/ tanış olmaq olar.

DəmirBank plastik kartlar üzrə “5 manata” və “Pulsuz” kampaniyalarını keçirir. “5 manata” kampaniyasına əsasən müştərilər yalnız 5 manat ödəməklə VİSA Classic və MasterCard Standard kartlarını əldə edə bilər. “Pulsuz” kampaniyasına əsasən müştəri kartı tam pulsuz əldə edə bilər, lakin bu halda kart hesabına zəruri məbləğdə ilkin mədaxil etməlidir. Plastik kartı Bankın http://www.demirbank.az/?/az/ordercard/ səhifəsində on-layn sifariş etmək olar.

Ölkənin ilk banklarından olan DəmirBank (əvvəlki adı Azərdəmiryolbank) 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.