“Tarix dərsi”nin əlaçıları və "sinif"də qalanlar

Avrokuboklar mövsümü Azərbaycan klubları üçün başa çatıb. Apasport.az saytının məlumatına görə, yarışı sonuncu başa vuran təmsilçimiz “Qarabağ” olub.

Çempionlar Liqasının qrupuna yüksələn ilk Azərbaycan klubu kimi tarixə düşən Ağdam təmsilçisi mövsümü 12 oyun keçirdikdən sonra yekunlaşdırıb. Təsnifat mərhələsində də, əsas raundda – yəni qrupda da 6 qarşılaşma keçirən Qurban Qurbanovun yetirmələri 6 aylıq marafonu “Samtredia” ilə Bakıdakı matçda (5:0) başlayıb və Romada eyniadlı kluba uduzmaqla (0:1) başa vurub.

“Qarabağ” bu 12 görüşdə yazdığı tarixi 22 futbolçu ilə gerçəkləşdirib. Qurbanov bu yolu 9 yerli, 3 milliləşən legioner və 10 əcnəbi ilə qət edib.

22 oyunçudan ikisi tarixi kənardan izləyib. Bunlar yalnız təsnifat mərhələsində lazım olub, qrupda ehtiyatda qalanlar – Rahid Əmirquliyevlə Anton Kanibolotskidi.

5 futbolçu təsnifat mərhələsində də, əsas raundda da bütün qarşılaşmalarda forma geyinib. Qurbanov üçün əvəzolunmaz oyunçu olmayıb. Miçel, Qara Qarayev, Maksim Medvedev, Riçard Almeyda və Donald Gerye bütün görüşlərdə meydana çıxsa da, 1080 dəqiqə oynamaq onlara nəsib olmayıb.

Amma qrupda iki futbolçu əvəzlənmədən şans qazanıb. Bunlar qapıçı İbrahim Şehiç və milliləşən yarımmüdafiəçi Riçard Almeydadı. Miçel, Qara Qarayev, Maksim Medvedev və Donald Gerye də əsas mərhələdə 6 oyun keçirənlərdi.

“Qarabağ”ın ən yaxşı bombardiri Dino Ndlovudu. Onun hesabında 4 top var. Miçel isə 3 dəfə fərqlənib. Donald Gerye 2, Mahir Mədətov, Pedro Enrike və Əfran İsmayılov hərəyə 1 dəfə rəqib qapısına yol tapıb.

	Çempionlar Liqası					Qrup mərhələsi
	O	D	Q	SV	QV	O	D	Q	SV	QV
Miçel	12	1072	3	4	0	6	532	1	2	0
Qara Qarayev	12	1060	0	1	0	6	520	0	1	0
Maksim Medvedev	12	1002	0	1	0	6	521	0	1	0
Riçard Almeyda	12	986	0	0	0	6	540	0	0	0
Donald Gerye	12	709	2	1	0	6	354	0	0	0
İbrahim Şehiç	11	990	-17	1	0	6	540	-14	0	0
Dino Ndlovu	11	943	4	1	1	5	425	0	0	1
Yakub Jezniçak	11	791	0	4	0	5	379	0	3	0
Mahir Mədətov	11	769	1	0	0	5	321	0	0	0
Ansi Aqolli	10	900	0	1	0	4	360	0	0	0
Bədavi Hüseynov	9	810	0	0	0	3	270	0	0	0
Rəşad Sadıqov	8	490	0	3	1	5	359	0	2	1
Əfran İsmayılov	8	343	1	0	0	2	77	0	0	0
Elvin Yunuszadə	5	193	0	1	0	3	126	0	1	0
Pedro Enrike	4	281	1	2	1	4	281	1	2	1
Dani Kintana	4	39	0	0	0	4	39	0	0	0
Ağabala Ramazanov	4	28	0	1	0	1	5	0	0	0
Coşqun Diniyev	3	130	0	0	0	2	65	0	0	0
Tarik Elyunussi	3	32	0	0	0	3	32	0	0	0
Ramil Şeydayev	2	77	0	0	0	2	77	0	0	0
Anton Kanibolotski	1	90	0	0	0	0	0	0	0	0
Rahid Əmirquliyev	1	28	0	1	0	0	0	0	0	0