Zaqatalada minik avtomobili yanıb. APA-nın Şəki-Zaqatala bürosunun məlumatına görə, hadisə yanvar ayının 15-i axşam saat 23:40 radələrində, F. Əmirov küçəsində qeydə alınıb.
Zaqatala rayon sakini, 1947-ci il təvəllüdlü İsrafil İsmayıl oğlu Əliyevə məxsus “Audi” markalı 62 BG 010 markalı minik avtomobilində yanğın baş verib.
Hadisə yerinə Fövqaladə Hallar nazirliyinin (FHN) Zaqatala rayon dövlət Yanğından Mühafizə Hissəsinin texnikası və canlı qüvvəsi cəlb edilib. Yanğın nəticəsində avtomobilin yanar konstruksiyaları və içərisindəki sənədlər yanıb. Yaxınlıqdakı mağaza yanğından mühafizə olunub.
Faktla bağlı FHN-nin Zaqatala rayon DYMH-də araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
