TQDK məntiq testlərinin yeni nəşrini çap edib

«Abituriyent» jurnalının xüsusi buraxılışı olan məntiq testlərinin yeni nəşri işıq üzü görüb. Tələbə Qəbulu üzrə Dövlət Komissiyasının (TQDK) mətbuat xidmətindən lent.az-a verilən məlumata görə, jurnalda təqdim olunmuş testlər məntiqi-riyazi, sözlə bağlı (verbal), fiqurla bağlı test tapşırıqlarıdır. Jurnalda, həmçinin model testlər, təqdim olunmuş test suallarının düzgün cavabları, imtahanlara hazırlıq və onun psixoloji məqamları, məntiqi təfəkkürün inkişaf səviyyəsinin müəyyən edilməsi üzrə testə hazırlığa dair məsləhətlər öz əksini tapıb.

Vəsaitdən ali təhsil müəssisələrinin məzunları, tələbələr, magistraturaya və vakant iş yerlərinə qəbul üçün imtahana hazırlaşanlar, abituriyentlər, yuxarı sinif şagirdləri və ümumiyyətlə, məntiq məsələləri ilə maraqlanan bütün şəxslər istifadə edə bilərlər.