Tovuzun Alakol kəndində yeniyetmələr arasında bıçaqlanma hadisəsi baş verib. Lent.az-ın Kəpəz TV-ə istinadən verdiyi məlumata görə, məktəblilərin sözlərinin çəpləşməsi onlardan birinin bıçaqlaması ilə nəticələnib. Şahidlərin sözlərinə görə, hadisə zamanı bıçaqlanan 15 yaşlı Kamran Quliyev dostlarından birinə yaxınlaşaraq onu xəstəxanaya çatdırmasını xahiş edib.
Tovuz rayon Mərkəzi Xəstəxanasına gətirilən azyaşlı döş qəfəsinin deşilmiş-kəsilmiş yarası ilə cərrahiyyə şöbəsinə qəbul edilib. Xəstəxanadan verilən məlumata görə, Kamran Quliyevin vəziyyəti orta ağır qiymətləndirilir. Faktla bağlı Tovuz rayon Polis Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
