Tofiq Yaqublu və İlqar Məmmədova hökm oxundu - YENİLƏNİB

Bu gün Şəki Ağır Cinayətlər Məhkəməsində “İsmayıllı işi” üzrə təqsirləndirilən şəxslərə hökm oxunub.

Lent.az-ın məlumatına görə, prosesdə təqsirləndirilən şəxslərdən Müsavat Partiyası başqanının müavini Tofiq Yaqubluya 5, ReAl Hərəkatının sədri İlqar Məmmədova isə 7 il azadlıqdan məhrum etmə cəzası verilib.

Qeyd edək ki, hər iki şəxs ötən ilin yanvarında İsmayıllı rayonunda baş verən hadisələrdə təşkilatçılıq etməkdə ittiham edilirdilər.

Təqsirləndirilən şəxslərdən 8 nəfəri isə şərti azadlığa buraxılıb.