Bu gün Quba rayonu ərazisində yol-nəqliyyat hadisəsi baş verib.
APA-nın şimal bürosunun verdiyi məlumata görə, hadisə Quba-Xaçmaz yolunun Zərdabi kəndi ərazisindən keçən hissəsində qeydə alınıb.
Quba rayonu, Zərdabi kənd sakini 1977-ci il təvəllüdlü Kamilov Ramin Nadir oğlunun idarə etdiyi 40 BG 667 dövlət nömrə nişanlı “VAZ-2107” markalı avtomaşınla Şahin Qonaqovun idarə etdiyi 40 BD 620 dövlət qeydiyyatlı “VAZ-2107” markalı maşın toqquşub. Bundan sonra idarəetməni itirən sürücü Əliyev Vaqif Əbülfət oğlunun idarə etdiyi “VAZ- 2107” ilə toqquşub.
Qəza nəticəsində R. Kamilov müxtəlif bədən xəsarətləri ilə Quba Mərkəzi Rayon Xəstəxanasına yerləşdirilib. Xəstəxanadan verilən məlumata görə, onun vəziyyəti orta ağırdır.
Hadisənin başvermə səbəbləri araşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
